თბილისი, 23 აპრილი — Sputnik. თბილისში, თემქის დასახლებაში 13 წლის ბიჭი ფანჯრიდან გადავარდა, იუწყება საზოგადოებრივი მაუწყებელი.
თვითმხილველების ინფორმაციით, ბავშვი მეექვსე სართულიდან გადავარდა და მესამე სართულზე, თოკებზე დაეცა.
როგორც საგანგებო სიტუაციების მართვის სააგენტოში განაცხადეს, მაშველებმა მოზარდის ჩამოყვანა ამწეკრანის საშუალებით უვნებლად შეძლეს.
თბილისის სასწრაფო დახმარების თანამშრომლების თქმით, პირველადი დათვალიერების შედეგად ბავშვს სერიოზული დაზიანებები არ აღენიშნებოდა.
ადგილზე მობილიზებული იყო როგორც სასწრაფო სამედიცინო დახმარების ბრიგადა, ისე საპატრულო ეკიპაჟი.
მათივე ინფორმაციით, მოზარდი იაშვილის კლინიკაშია გადაყვანილი.
