თბილისი, 23 აპრილი — Sputnik. ქართველი ემიგრანტი, 54 წლის ნატო ჭანტურია, რომელმაც ათენში ცეცხლმოკიდებული სახლიდან ხანდაზმული მამაკაცის გამოყვანის მცდელობისას სერიოზული დამწვრობები მიიღო და საავადმყოფოში უგონო მდგომარეობაში, ხელოვნური სუნთქვის აპარატზე იყო შეერთებული, 22 აპრილს გარდაიცვალა. ინფორმაციას ამის შესახებ ათენის ქართველ მიგრანტთა საინფორმაციო ცენტრი ავრცელებს.
უბედური შემთხვევა 16 აპრილს მოხდა. სახლში, სადაც ჭანტურია მოხუცებულ ცოლ-ქმარს უვლიდა, გაურკვეველი მიზეზების გამო ხანძარი გაჩნდა. იმ მომენტში ის სახლში იმყოფებოდა. რადგან მოხუცებული ქალი ლოგინს იყო მიჯაჭვული, ჭანტურია მისი მეუღლის გადარჩენა გადაწყვიტა. მოგვიანებით მაშველებმა ორივე უგონო მდგომარეობაში იპოვეს, მოხუცებული ქალი კი დაიწვა.
საბერძნეთში საქართველოს საელჩოს ნატო ჭანტურიას გარდაცვალების შესახებ ინფორმაცია უკვე მიეწოდა.
