თბილისი, 20 აპრილი — Sputnik. საქართველოს პარლამენტის ოპოზიციური პარტიის "მოძრაობა თავისუფლებისთვის — ევროპული საქართველოს" დეპუტატი ოთარ კახიძე შსს-ს ერთ-ერთ განყოფილებაში მას შემდეგ გამოკითხეს, რაც მას პარლამენტში თავი გაუტეხეს, იუწყება საინფორმაციო სააგენტო Новости-Грузия სამინისტროს პრეს-სამსახურზე დაყრდნობით.
ინციდენტი ოთხშაბათს ქუთაისში, პარლამენტის დეპუტატების ოთახში მოხდა, როდესაც კახიძის თანაპარტიელი გიორგი კანდელაკი "ქართული ოცნება – დემოკრატიული საქართველოს" დეპუტატ ვანო ზარდიაშვილს ეკამათებოდა.
საფერფლე კანდელაკმა ისროლა და შემთხვევით კახიძეს თავში მოხვდა.
„ის გამოკითხეს, მაგრამ ამ ეტაპზე დამატებით ვერაფერს ვიტყვი. ის იმერეთში გამოკითხეს", — განაცხადა შსს-ს პრეს-სამსახურის თანამშრომელმა.
მომხდართან დაკავშირებით აღიძრა თუ არა სისხლის სამართლის საქმე, შსს-ში არ დაუზუსტებიათ.
ინციდენტის მონაწილეებმა ჟურნალისტებთან მომხდარის დეტალებზე საუბრისგან თავი შეიკავეს.
