ქართველმა ძიუდოისტებმა რუსეთში ტურნირზე რვა მედალი მოიპოვეს

გამოწერა
სანკტ-პეტერბურგში ევროპის თასზე ქართველმა სპორტსმენებმა ოქროს, ხუთი ვერცხლისა და ორი ბრინჯაოს მედლები მოიპოვეს.

თბილისი, 18 აპრილი — Sputnik.  საქართველოს ძიუდოს იუნიორთა ნაკრებმა  სანკტ-პეტერბურგში გამართულ ევროპის თასზე რვა მედალი აიღო, ნათქვამია ძიუდოს საერთაშორისო ფედერაციის (IJF) ოფიციალურ  ვებ-გვერდზე. 

გრან-პრი ძიუდოში - Sputnik საქართველო
ქართველმა ძიუდოისტებმა თბილისის გრან-პრიზე ორი ოქრო და ვერცხლი მოიპოვეს

ქართველი სპორტსმენები ფინალში ხუთ წონით კატეგორიაში გავიდნენ, მაგრამ მხოლოდ შალვა გაზაშვილმა შეძლო —66 კგ წონით კატეგორიაში ჩემპიონი გამხდარიყო. აღსანიშნავია, რომ ფინალში მან თავისი თანამემამულე ბაგრან ნინიაშვილი დაამარცხა.

კიდევ ოთხი ვერცხლის მედალი მოიპოვეს: ჯაბა პაპინაშვილმა (-55 კგ), ტატო გრიგალაშვილმა (-73 кг), ლუკა მაისურაძემ (-81 კგ) და ნიკა სიდამონიძემ (-90 კგ).

გარდა ამისა, საქართველოს ნაკრების ანგარიშზე ნიკა ალხაზიშვილისა  (-55 კგ) და გიგა გიგაურის  (-73 კგ) მიერ მოპოვებული ორი ბრინჯაოს მედალია.

ტურნირში 17 ქვეყნის 300-ზე მეტმა სპორტსმენმა მიიღო მონაწილეობა.  ევროპის თასზე საქართველო 32 ძიუდოისტით იყო წარმოდგენილი.

 

ყველა ახალი ამბავი
0