თბილისი, 16 აპრილი-Sputnik. საქართველოს ჰოკეისტთა ნაკრებმა სოფიაში, მსოფლიოს ჩემპიონატის ფარგლებში, მესამე დივიზიონში ნახევარფინალური შეხვედრა ბულგარეთის ნაკრებთან წააგო 3:9, იუწყება ყინულის ჰოკეის საერთაშორისო ფედერაციის(IIHF) ოფიციალური ვებ-გვერდი.
ქართველმა სპორტსმენებმა „B“ ჯგუფში მეორე ადგილი დაიკავეს ლუქსემბურგის ნაკრების შემდეგ და ახლა მესამე ადგილისთვის მატჩში ჰონკონგის ნაკრებს შეხვდებიან.
ფინალში ერთმანეთს დაუპირისპირდებიან ბულგარელი და ლუქსემბურგელი ჰოკეისტები.
