მოხუცებულთა თავშესაფრის მკვიდრი 100 წლის ფრანგი კაცი მეზობელი ქალის ლოგინში იპოვეს

© photo: Sputnik / Levan Avlabreliმოხუცი ქალი და მამაკაცი
მოხუცი ქალი და მამაკაცი - Sputnik საქართველო
გამოწერა
ფრანგული გამოცემა არ აკონკრეტებს, რა რეაქცია ჰქონდა მამაკაცის მეუღლეს, რომელიც მასთან ერთად ცხოვრობს თავშესაფარში, აღნიშნულ ფაქტზე.

თბილისი, 14 აპრილი — Sputnik. საფრანგეთის ო-დე-სენის დეპარტამენტში მდებარე მოხუცებულთა თავშესაფარში დაკარგული 100 წლის მამაკაცის საძებნელად მისულმა პოლიციელებმა ის მეზობელი ქალბატონის ლოგინში იპოვეს, იუწყება საინფორმაციო სააგენტო РИА Новости გამოცემა Ouest France-ზე დაყრდნობით.

მეხიკოს ერთ-ერთი ქუჩა - Sputnik საქართველო
მოხუცებულთა სახლი „პენსიონერი“ მეძავებისთვის

ინციდენტი ოთხშაბათს მოხდა, თუმცა პრესამ ამის თაობაზე დაგვიანებით შეიტყო. 

ირკვევა, რომ მოხუცებულთა თავშესაფრიდან ღრმად მოხუცებული მამაკაცი გაუჩინარდა, რომელიც იქ მეუღლესთან ერთად ცხოვრობდა. სამი საათის შემდეგ სახლის ხელმძღვანელობამ პოლიციას მიმართა. ადგილზე შვიდი პოლიციელი გამოცხადდა, რომლებმაც დაწესებულება ყურადღებით გაჩხრიკეს. საბოლოოდ დაკარგული მამაკაცი მეზობელი 90 წლის ქალბატონის საწოლში ტკბილად მძინარე იპოვეს.

„კაცს მშვიდად ეძინა ქალის ლოგინში, ქალი კი ელოდებოდა, როდის გაიღვიძებდა და წავიდოდა კაცი“, — აღნიშნეს სამართალდამცველებმა.

გამოცემა არ აკონკრეტებს, რა რეაქცია ჰქონდა მამაკაცის მეუღლეს აღნიშნულ ფაქტზე.

ყველა ახალი ამბავი
0