პრემიერი: ვისურვებდი, რომ პრეზიდენტის გამოსვლა ყოფილიყო უფრო ღრმა და ობიექტური

© Sputnik / Alexander Imedashviliსაქართველოს პრეზიდენტი გიორგი მარგველაშვილი პარლამენტის სხდომაზე სიტყვით გამოსვლისას
საქართველოს პრეზიდენტი გიორგი მარგველაშვილი პარლამენტის სხდომაზე სიტყვით გამოსვლისას - Sputnik საქართველო
გამოწერა
მთელი რიგი მიმართულებებით არის შესამჩნევი პროგრესი. ვისურვებდი, რომ პრეზიდენტის გამოსვლა ყოფილიყო უფრო მრავლისმომცველი, უფრო ღრმა და უფრო ობიექტური, განაცხადა კვირიკაშვილმა.

თბილისი, 7 აპრილი — Sputnik. საქართველოს პრემიერ-მინისტრი გიორგი კვირიკაშვილი მინისტრთა კაბინეტის წევრებთან ერთად დღეს საქართველოს პრეზიდენტის გიორგი მარგველაშვილის პარლამენტში ყოველწლიურ გამოსვლას დაესწრო.

პრემიერმა პარლამენტში შეკრებილ ჟურნალისტებთან საუბრისას პრეზიდენტის გამოსვლა შეაფასა და აღნიშნა, რომ ისურვებდა, პრეზიდენტის გამოსვლა უფრო მრავლისმომცველი, და უფრო ობიექტური ყოფილიყო.

გიორგი მარგველაშვილი - Sputnik საქართველო
გიორგი მარგველაშვილი – მოგიწოდებთ დიალოგისკენ, ინსტიტუციური თანამშრომლობისკენ

"შემიძლია გითხრათ, რომ მთელი რიგი მიმართულებებით… არა მხოლოდ ჩვენი აზრით, არამედ საერთაშორისო თანამეგობრობაში ჩვენი მეგობრების აზრით, არის შესამჩნევი პროგრესი. ვისურვებდი, რომ პრეზიდენტის გამოსვლა ყოფილიყო უფრო მრავლისმომცველი, უფრო ღრმა და უფრო ობიექტური", — განაცხადა კვირიკაშვილმა.

საქართველოს პრეზიდენტი პარლამენტის დეპუტატების წინაშე ყოველწლიური მიმართვისას შეეხო ისეთ თემებს, როგორებიცაა ეკონომიკური განვითარება, სოციალური საკითხები, უსაფრთხოება, საგარეო პოლიტიკა, მართლმსაჯულება, მასმედია.

ყველა ახალი ამბავი
0