თბილისი, 3 მარტი — Sputnik. 75 წლის მამაკაცი ემსხვერპლა ზუგდიდში საკუთარ სახლში გაჩენილ ხანძარს.
ტელეკომპანია Rustavi2-ის ინფორმაციით, ზუგდიდში, ერევნის ქუჩაზე გასულ ღამეს საცხოვრებელ სახლს ცეცხლი გაუჩნდა და მიუხედავად იმისა, რომ სახანძრო და სამაშველო ბრიგადები გამოძახებისთანავე მივიდნენ ადგილზე, მათ ბონდო გობეჩიას გადარჩენა ვერ შეძლეს.
ხანძარი სავარაუდოდ მოკლე ჩართვამ გამოიწვია. ცეცხლის გაჩენის დროს სახლში არ იმყოფებოდა გარდაცვლილის შვილი.
დაზარალებულის ახლობლები ხელისუფლებისგან დახმარებას ითხოვენ.