თბილისი, 3 აპრილი– Sputnik. საქართველოს პრემიერ-მინისტრმა გიორგი კვირიკაშვილმა სანკტ-პეტერბურგის მეტროში მომხდარი აფეთქებისას დაღუპულთა ოჯახებს მიუსამძიმრა.
სანკტ-პეტერბურგში მეტროსადგურებს „ტეხნოლოგიჩესკი ინსტიტუტსა“ და „სენნაია პლოშჩადს“ შორის აფეთქება მოხდა, რომლის შედეგად, წინასწარი მონაცემებით, დაიღუპა 10 ადამიანი და 20-ზე მეტი დაშავდა.
„ღრმა მწუხარებას გამოვთქვამ სანკტ-პეტერბურგის მეტროში დღეს მომხდარი აფეთქების გამო, რომელმაც ადამიანების სიცოცხლე იმსხვერპლა. სამძიმარს ვუცხადებ დაღუპულთა ოჯახებსა და ახლობლებს“, — დაწერა კვირიკაშვილმა საკუთარ Facebook-გვერდზე.
საქართველოს საგარეო საქმეთა სამინისტროს მონაცემებით, დაშავებულთა შორის საქართველოს მოქალაქეები არ არიან.
