სანკტ-პეტერბურგის ქართულ დიასპორას დაშავებულების შესახებ ინფორმაცია არ აქვს

© photo: Sputnik / Анатолий Медведь / გადასვლა მედიაბანკშიაფეთქება სანკტ-პეტერბურგში
აფეთქება სანკტ-პეტერბურგში - Sputnik საქართველო
გამოწერა
НовостиTelegram
სანკტ-პეტერბურგში დაახლოებით 40000 ქართველი ცხოვრობს.

თბილისი, 3 აპრილი — Sputnik. სანკტ-პეტერბურგის ქართულ დიასპორას არ აქვს ინფორმაცია იმის შესახებ, დაშავდნენ თუ არა ქართველები მეტროში მომხდარი აფეთქების შედეგად, განაცხადა ქართული ახალგაზრდული გაერთიანების „თერგდალეულების“ ხელმძღვანელმა არჩილ ოძელმა.

სანკტ-პეტერბურგში მეტროსადგურებს  „ტეხნოლოგიჩესკი ინსტიტუტსა“ და „სენნაია პლოშჩადს“ შორის აფეთქება მოხდა, რომლის შედეგად, წინასწარი მონაცემებით, დაიღუპა 9 ადამიანი და 40-მდე დაშავდა. 

საგარეო საქმეთა სამინისტრო - Sputnik საქართველო
საგარეო საქმეთა სამინისტრო: გარდაცვლილებს შორის საქართველოს მოქალაქეები არ არიან

 „ჯერჯერობით ჩვენ არ გვაქვს ინფორმაცია იმასთან დაკავშირებით, დაშავდნენ თუ არა ქართველები აფეთქების შედეგად. მასმედიაში სხვადასხვა ინფორმაცია ვრცელდება: ზოგი ამბობს, რომ იყო ერთი აფეთქება, ზოგი ორ აფეთქებაზე ლაპარაკობს. ჩვენ გვაქვს ადგილობრივ დიასპორასთან კომუნიკაცია. ქალაქში მღელვარება იგრძნობა — გზები გადაკეტილია, ყველგან საცობებია, მეტრო დაკეტილია. ტრანსპორტი უფასოდ მუშაობს. ზოგიერთი ტაქსიც უფასოდ მუშაობს. თუმცა პანიკა არ არის“, — განუცხადა ოძელმა „Sputnik საქართველოს“.

მისი ინფორმაციით, სანკტ-პეტერბურგში დაახლოებით 40000 ქართველი ცხოვრობს.

საქართველოს საგარეო საქმეთა სამინისტროს მონაცემებით, დაშავებულთა შორის საქართველოს მოქალაქეები არ არიან.

სანკტ-პეტერბურგის მეტროსადგურში მომხდარი აფეთქების შედეგად დაღუპულთა ოჯახებს სამძიმარი გამოუცხადეს პრემიერ-მინისტრმა გიორგი კვირიკაშვილმა, საქართველოს პრეზიდენტმა გიორგი მარგველაშვილმა და პარლამენტის თავმჯდომარემ ირაკლი კობახიძემ.


ყველა ახალი ამბავი
0