თბილისი, 3 აპრილი – Sputnik. ოზურგეთში, აღმაშენებლის ქუჩის დასაწყისში, ქალაქ ოზურგეთის მერმა ბეგლარ სიორიძემ და ჩოხატაურის საკრებულოს ჩხაკაურას მაჟორიტარმა დეპუტატმა ბაკურ შარაშიძემ ერთმანეთი სცემეს, იუწყება „გურიის მოამბე“.
გამოცემის ინფორმაციით, შემთხვევის ადგილზე მისული საპატრულო პოლიციის ეკიპაჟები დაპირისპირებული მხარეების დამშვიდებას ცდილობდნენ. დაპირისპირების მიზეზი, სავარაუდოდ, ქალაქ ოზურგეთის ცენტრალურ სტადიონზე არსებული სპორტის სასახლის დემონტაჟიდან შემოსული თანხების განაწილება სახელდება.
ქალაქის მერი 70%-ს ითხოვდა, ხოლო დეპუტატი, რომლის ახლობლემიც ახორციელებდნენ ობიექტის დემონტაჟს, აღნიშნულს აპროტესტებდა.
ქალაქის მერიაში ჩხუბის ფაქტს არ ადასტურებენ.
