უჩა ნანუაშვილი სახელმწიფოს აუტისტების დახმარებისკენ მოუწოდებს

© Courtesy of Ucha Nanuashviliუჩა ნანუაშვილი
უჩა ნანუაშვილი - Sputnik საქართველო
გამოწერა
საქართველოს სახალხო დამცველი აუტიზმის შესახებ ცნობადობის ამაღლების მსოფლიო დღეს ხელისუფლებას ქმედითი ნაბიჯების გადადგმისკენ მოუწოდებს.

თბილისი, 2 აპრილი — Sputnik. საქართველოს სახალხო დამცველმა უჩა ნანუაშვილმა,  აუტიზმის შესახებ ცნობიერების ამაღლების მსოფლიო დღესთან დაკავშირებით, გაავრცელა განცხადება, რომელიც აუტისტი ადამიანების პრობლემებს ეხება და მოუწოდა ხელისუფლებას, დახმარება აღმოუჩინონ მათ. 

გოგონა რიყის პარკში - Sputnik საქართველო
თბილისიში დაუნის სინდრომის მქონე ადამიანთა საერთაშორისო დღე აღნიშნეს

2017 წელს ამ დღის თემაა „ავტონომია და უფლებაუნარიანობა“.

„გაეროს გენერალური მდივნის წლევანდელ მიმართვაში ნათქვამია, რომ საზოგადოების ყველა წევრმა უნდა შეიტანოს საკუთარი წვლილი აუტიზმის მქონე პირთა მიმართ არსებული დამოკიდებულებების შეცვლისკენ… ამ პირების მიერ საკუთარი უფლებების რეალიზებისთვის მნიშვნელოვანია სათანადო პირობების შექმნა და მხარდაჭერა, რაც შესაძლებლობას მისცემთ აქტიურად იქნან ჩართული საზოგადოების განვითარების პროცესში“, — აღნიშნავს განცხადებაში სახალხო დამცველი.

უჩა ნანუაშვილი ხაზს უსვამს, რომ საქართველოში  ბოლო ერთი წლის განმავლობაში აუტისტი პირების  უფლებების დაცვის კუთხით ხელშესახები ცვლილებები არ განხორციელებულა.

შშმ ბავშვები საქართველოდან სპეციალური ზამთრის ოლიმპიადის პრიზიორები გახდნენ - Sputnik საქართველო
შშმ ბავშვები საქართველოდან სპეციალური ზამთრის ოლიმპიადის პრიზიორები გახდნენ

„განსაკუთრებით მწვავეა ბავშვთა პრობლემები. გამოწვევაა მათზე მორგებული ჯანმრთელობის დაცვისა და აბილიტაცია/რეაბილიტაციის სერვისების, ინკლუზიური განათლების მიღების შესაძლებლობა. სახელმწიფო ვერ უზრუნველყოფს მათთვის საჭირო პროგრამებისა და მომსახურების შექმნას, ინკლუზიურ საგანმანათლებლო პროცესში ჯეროვან ჩართვას“, — წერია ომბუდსმენის განცხადებაში.

საქართველოს სახალხო დამცველი აუტიზმის შესახებ ცნობადობის ამაღლების მსოფლიო დღეს მოუწოდებს სახელმწიფოს, გადადგას ქმედითი ნაბიჯები აუტისტური სპექტრის მქონე პირებისთვის აუცილებელი პროგრამების შექმნისა და სერვისების განვითარების მიზნით.

ყველა ახალი ამბავი
0