თბილისი, 28 მარტი — Sputnik. თავისუფალი სტილით მოჭიდავეები ავთანდილ კენჭაძე (-74 კგ) და გივი მაჭარაშვილი (-97 კგ) ევროპის ახალგაზრდული ჩემპიონატის ფინალში გავიდნენ, რომელმაც სტარტი უნგრეთის ქალაქ სომბათჰეიში დღეს აიღო, ნათქვამია UWW-ის ოფიციალურ ვებ-გვერდზე.
გადამწყვეტ ორთაბრძოლაში კენჭაძე ზელიმხან ჰადჯიევს შეხვდება, რომელიც საფრანგეთს წარმოადგენს, ხოლო მაჭარაშვილის მოწინააღმდეგე რუსეთის ნაკრების სახელით მოასპარეზე გიორგი გოგავაა.
კიდევ ერთი ქართველი მოჭიდავე ივერი ჯულაყიძე (-65 კგ) ვერცხლის მედლისთვის იბრძოლებს. მისი მოწინააღმდეგე კი საფრანგეთის წარმომადგენელი ილმან მუჰტაროვი იქნება.
U-23 ევროპის ჩემპიონატის პირველი დღის ფინალური ნაწილი თბილისის დროით 19:30 საათზე დაიწყება.
