იყო თუ არა თბილისის მერი ნასვამ მდგომარეობაში: უწყებაში ბრალდებებს უარყოფენ

© Sputnik / Alexander Imedashviliდავით ნარმანია
დავით ნარმანია - Sputnik საქართველო
გამოწერა
მასმედიაში ინფორმაცია გავრცელდა, თითქოსდა თბილისის მერი დავით ნარმანია ავტომობილს ნასვამ მდგომარეობაში მართავდა და ორ ავტომობილს შეეჯახა.

თბილისი, 20 მარტი — Sputnik. თბილისის მერიის პრეს–სამსახურში უარყვეს ინფორმაცია მას შესახებ, რომ დედაქალაქის მერი დავით ნარმანია ავტომობილს ნასვამ მდგომარეობაში მართავდა და ავარიაში მოჰყვა.

მანამდე მასმედიაში გავრცელებული ინფორმაციით, 19 მარტს ნარმანია თბილისის გარეუბანში მდებარე ერთ–ერთ რესტორანში იმყოფებოდა. საღამოს 11 საათზე იგი თითქოსდა გამოვიდა რესტორნიდან და ნასვამ მდგომარეობაში საჭესთან დაჯდა.

დავით ნარმანია - Sputnik საქართველო
ოპოზიცია დავით ნარმანიას გაჩეხილ ხეებზე პასუხს სთხოვს

მასმედიის მტკიცებით, ნარმანია ორ ავტომობილს შეეჯახა, მაგრამ მანქანა არ გაუჩერებია. მალევე ინციდენტის ადგილას გამოცხადდა პატრული და დაზარალებული მძღოლები თითქოსდა საავარიო სიტუაციის შექმნისთვის დააჯარიმა.

"სრული პასუხისმგებლობით ვაცხადებთ, რომ აღნიშნული ინფორმაცია არის სიცრუე და მსგავსი შემთხვევა არ მომხდარა. გავრცელებულ ინფორმაციაში ნახსენები ავტომობილი არ წარმოადგენს არც თბილისის მერიის, არც პირადად დავით ნარმანიას საკუთრებას", — ნათქვამია განცხადებაში.

მსგავსი სახის ინფორმაცია მიზნად ისახავს დავით ნარმანიას და თბილისის მერიის დისკრედიტაციას, აღნიშნულია განცხადებაში.

ყველა ახალი ამბავი
0