თბილისი, 14 მარტი — Sputnik. რუსული კომპანია „ურალის ავიახაზები“ 1 მაისიდან სოჭი — თბილისი პირდაპირ რეგულარულ ავიარეისების განხორციელებას დაიწყებს, ნათქვამია „ურალის ავიახაზების“ განცხადებაში.
ფრენები ორივე მიმართულებით კვირაში ორჯერ — ორშაბათს და პარასკევს განხორცილდება.
„ურალის ავიახაზები“ — ერთადერთი რუსული ავიაკომპანიაა, რომელიც საქართველოს დედაქალაქის მიმართულებით სოჭიდან პირდაპირ ფრენებს განახორციელებს, ნათქვამია ავიაკომპანიის განცხადებაში.
ავიაკომპანია კიდევ ერთ მიმართულებას ამატებს — 3 მაისიდან კვირაში ერთხელ ოთხშაბათობით საერთაშორისო რეისი სანტ-პეტერბურგი — ქუთაისი შესრულდება.
„რუსეთსა და საქართველოს მჭიდრო ეკონომიკური და კულტურული კავშირები აკავშირებს, ამიტომაც მოსახერხებელი სატრანსპორტო მიმოსვლა ორივე ქვეყნის მცხოვრებთათვის ძალზე მნიშვნელოვანია“, — ნათქვამია ავიაკომპანიის განცხადებაში.
ამჟამად ავიაკომპანია საქართველოსა და რუსეთს შორის პირდაპირ რეგულარულ რეისებს შემდეგი მიმართულებებით ასრულებს: მოსკოვი — ქუთაისი, ეკატერინბურგი — თბილისი, სანქტ–პეტერბურგი — თბილისი, მოსკოვი — ბათუმი, სანქტ–პეტერბურგი — ბათუმი და ეკატერინბურგი — ბათუმი.
საქართველოსა და რუსეთს შორის ავიარეისებს ოთხი ავიაკომპანია ახორციელებს: რუსული მხრიდან S7 Airlines, „აეროფლოტი“ და „ურალის ავიახაზები“, ქართული მხრიდან — Airzena — Georgian Airways.
