თბილისი, 11 მარტი – Sputnik. ოზურგეთის რაიონის სოფელ ცხემლისხიდში „ლიბერთი ბანკის“ სერვის–ცენტრი გაქურდეს, იუწყება ტელეკომპანია Imedi.
შემთხვევა გუშინ მოხდა. ბანკის სერვის–ცენტრი, რომელიც გაქურდეს, სოფლის გამგეობის შენობაში მდებარეობს.
მოპარულია ფილიალის ერთადერთი კომპიუტერი. თანხა, რომელიც სეიფში ინახებოდა, მძარცველებს, სავარაუდოდ, არ წაუღიათ.
მომხდართან დაკავშირებით გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს და 4-დან 7 წლამდე ვადით თავისუფლების აღკვეთას ითვალისწინებს.
