თბილისი, 10 მარტი — Sputnik. საპატრიარქოს ტელევიზია „ერთსულოვნების“ ახალ დირექტორად დეკანოზი მიქაელ ფოფხაძე დაინიშნა, ნათქვამია საქართველოს საპატრიარქოს ვებ-გვერდზე.
ტელევიზიის ყოფილი დირექტორი ჭყონდიდელი მიტროპოლიტი პეტრე (ცაავა) დაკავებული თანამდებობიდან 9 მარტს გამართული წმინდა სინოდის გადაწყვეტილების შედეგად გათავისუფლდა.
„10 მარტიდან ჭყონდიდელი მიტროპოლიტი პეტრე (ცაავა) განთავისუფლდა საპატრიარქოს ტელევიზია „ერთსულოვნების“ დირექტორის თანამდებობიდან. აღნიშნული ტელევიზიის ხელმძღვანელად დაინიშნა ქაშუეთის ტაძრის წინამძღვარი, დეკანოზი მიქაელ ფოფხაძე“, — აღნიშნულია ინფორმაციაში.
წმინდა სინოდმა პეტრე ცაავას მიერ მასმედიაში გაკეთებულ განცხადებებს ეკლესიის მიერ სასულიერო პირთათვის დადგენილი ეთიკური და კანონიკური ნორმების დარღვევა უწოდა და საყვედური გამოუცხადა მიტროპოლიტს.
