თბილისი, 10 მარტი — Sputnik. საქართველოს საგარეო საქმეთა სამინისტროს ინიციატივით და სამთო კურორტების განვითარების სააგენტოს მხარდაჭერით, 11 მარტს გუდაურში პირველად გაიმართება სამთო-სათხილამურო სპორტში დიპლომატიური შეჯიბრება #dipski2017.
ღონისძიების მიზანია — საქართველოს სამთოსათხილამურო კურორტების პოპულარიზაცია. ორგანიზატორებს გაზაფხულის სეზონზე (#springskiGeo) ქვეყნის ზამთრის კურორტების მიმართ ტურისტების ინტერესის ამაღლება სურთ.
ტურნირში მონაწილეობას მიიღებენ საქართველოში აკრედიტირებული დიპლომატიური კორპუსის წარმომადგენლები, საქართველოს მთავრობის წევრები და საგარეო საქმეთა სამინისტროს ხელმძღვანელობა.
გამარჯვებულები რამდენიმე ნომინაციაში გამოვლინდებიან, მათ გადაეცემათ თასები, რომლებიც სპეციალურად ტურნირისთვის დამზადდა.
ტურნირის ჩასატარებლად საგანგებოდ სამთო-სათხილამურო ტრასა მოეწყო.
