თბილისი, 9 მარტი — Sputnik. ყაჩაღობა მოხდა მარტვილის რაიონის სოფელ ნაგვაზაურში. ტელეკომპანია Rustavi2-ის ინფორმაციით, უცნობი პირები საცხოვრებელ სახლში მარტო მცხოვრებ ორ მოხუც დას თავს დაესხნენ და ორივე მათგანი აწამეს.
გავრცელებული ინფორმაციით, ერთი და ადგილზე გარდაიცვალა, ხოლო მეორე მარტვილის რაიონის საავადმყოფოშია გადაყვანილი. მისი ჯანმრთელობის მდგომარეობა უცნობია.
როგორც მეზობლები ამბობენ, ყაჩაღობა 8 მარტს, დაახლოებით, 21:00 საათზე მოხდა. ამ დროისათვის, შემთხვევის ადგილზე ექსპერტ-კრიმინალისტები მუშაობენ.
