თბილისი, 2 მარტი — Sputnik. ბელარუსისა და საქართველოს პრეზიდენტებმა, რომლებმაც მინსკში მოლაპარაკებები გამართეს, ერთმანეთს სამახსოვრო საჩუქრები გადასცეს: ბელარუსის ლიდერმა ალექსანდრ ლუკაშენკომ ქართველ კოლეგას სლუცკის ქამრის სასაჩუქრე ვარიანტი აჩუქა, ხოლო საქართველოს ლიდერმა ბელარუსის პრეზიდენტს — ორი სურათი, იუწყება „Sputnik ბელარუსი“.
საქართველოს პრეზიდენტის პრეს-სამსახურის მიერ გამოქვეყნებული ფოტოს მიხედვით, მან ლუკაშენკოსგან მიიღო სლუცკის ქამრის (დასახელება ბელარუსის ქალაქიდან მოდის, არის ბელარუსის ეროვნული სამოსის ერთ-ერთი შემადგენელი ნაწილი) სასაჩუქრე ვარიანტი სპეციალურ ხის ყუთში მოთავსებული, პასპორტითა და სერტიფიკატით. ბელარუსელ ლიდერს მარგველაშვილმა ორი სურათი გადასცა, რომელთა ავტორები და შესრულების ტექნიკა დაუზუსტებელია.
საქართველოს პრეზიდენტი ბელარუსში ოფიციალური ვიზიტით იმყოფება. ოთხშაბათს დამოუკიდებლობის სასახლეში მათ გამართეს მოლაპარაკებები, რომლის შედეგად ხელი მოაწერეს შეთანხმებებს საჰაერო მიმოსვლისა და ინვესტიციების განხორციელებისა და ურთიერთდაცვის ხელშეწყობის შესახებ.
პრეზიდენტებმა ასევე მიიღეს ერთობლივი განცხადება, რომელშიც ნათქვამია, რომ ბელარუსი და საქართველო მეგობრული ურთიერთობების ყოველმხრივ გამტკიცებისკენ მიმართულ ინტენსიურ სახელმწიფოთაშორისი დიალოგის გაგრძელებას აპირებენ.
საქართველოს პრეზიდენტმა გიორგი მარგველაშვილმა ლუკაშენკო საქართველოში ვიზიტით მოიწვია, იუწყება საქართველოს პრეზიდენტის პრეს-სამსახური.
მარგველაშვილის შეფასებით, ბელარუსსა და საქართველოს ბევრი საერთო აქვთ.
„ლიდერებმა ვიზიტის შედეგები შეაჯამეს და მიღწეული შეთანხმებების განხორციელების კონკრეტულ გზებზე ისაუბრეს“, — აღნიშნეს პრეს-სამსახურში.