თბილისი, 1 მარტი — Sputnik. საქართველოს პრეზიდენტმა გიორგი მარგველაშვილმა ოთხშაბათს 157 პატიმარი შეიწყალა, მათ შორის რვა ქალი და ერთი არასრულწლოვანი, აღნიშნულია პრეზიდენტის ადმინისტრაციის ვებ-გვერდზე განთავსებულ განცხადებაში.
მარგველაშვილმა გამოსცა შეწყალების შესაბამისი აქტი, რომელიც უკვე გადაიგზავნა საქართველოს სასჯელაღსრულებისა და პრობაციის სამინისტროში.
საქართველოს საპატიმროები ოთხშაბათს დატოვა 93-მა პატიმარმა, აქედან ექვსი ქალია და ერთი — არასრულწლოვანი. დანარჩენებს სასჯელი შეუმსუბუქდათ.
შეწყალების კომისიამ 890 პატიმრის საქმე 16-21 თებერვალს განიხილა. შეწყალების შესახებ გადაწყვეტილება პრეზიდენტმა კომისიის წევრების რეკომენდაციის საფუძველზე მიიღო.
