თბილისი, 1 მარტი — Sputnik. საქართველოს საგარეო საქმეთა სამინისტრომ ისტორიული უწოდა იმ დღეს, როდესაც ბრიუსელში საქართველოს მოქალაქეების შენგენის ზონის ქვეყნებში მოკლევადიანი ვიზიტებისათვის ვიზების გაუქმების შესახებ რეგულაციას მოეწერა ხელი.
ოთხშაბათს ევროპარლამენტის თავმჯდომარემ ანტონიო ტაიანმა და ევროკავშირის თავმჯდომარე- ქვეყნის — მალტის წარმომადგენელმა — ინოვაციების, ახალგაზრდობისა და სპორტის საქმეთა საპარლამენტო მდივანმა კრის აგუისმა დოკუმენტს მოაწერეს ხელი.
„ვულოცავთ საქართველოს ყველა მოქალაქეს ამ ისტორიულ დღეს!“, — ნათქვამია საგარეო საქმეთა სამინისტროს ვებ-გვერდზე.
საქართველოს საზოგადოებრივი მაუწყებლის პირველი არხის კორესპონდენტის ქეთევან ქარდავას მონაცემებით, რომელიც ბრიუსელში იმყოფება, საკანონმდებლო ცვლილებები ევროკავშირის ოფიციალურ ჟურნალში 8 მარტს გამოქვეყნდება. რეგულაცია ძალაში გამოქვეყნებიდან 21 დღეში შევა.
საქართველოს მოქალაქეები შენგენის ზონის ქვეყნებში უვიზოდ ყოფნას 180 დღის მანძილზე 90 დღის განმავლობაში შეძლებენ.
