თბილისი, 24 თებერვალი — Sputnuk. საქართველოს პირველმა ჩოგანმა ნიკოლოზ ბასილაშვილმა მეორე რაუნდში ბელგიელ სტივ დარსთან ორ სეტში წააგო 3:6, 5:7 და დელრეი-ბიჩში АТР სერიის ტურნირზე გამოსვლა დაასრულა, იუწყება შეჯიბრების ოფიციალური ვებ-გვერდი.
ქართველ ჩოგბურთელს აშკარად ეტყობოდა დაღლა — ბოლო ორი კვირის განმავლობაში ის სოფიასა და მემფისში ტურნირებზე გამოვიდა და, შესაბამისად, ნახევარფინალამდე და ფინალამდე მივიდა.
ამ დაღლილობის შედეგი იყო ბასილაშვილის მიერ დაშვებული უამრავი შეცდომა. ეს განსაკუთრებით ეხება პირველ სეტში მეორე ჩაწოდებას. ქართველმა სპორტსმენმა ბურთების მხოლოდ 32% მოიგო, მისმა მეტოქემ კი 50%.
გასაკვირი არაა, რომ დარსიმ საკმაოდ იოლად გააკეთა ორი ბრეიკი და უპირატესობა პარტიის ბოლომდე შეინარჩუნა.
მეორე სეტში ბასილაშვილმა დაწინაურება მოახერხა — 3:1, მაგრამ ამას კვლავ უკუსვლა მოჰყვა. დარსიმ მოახერხა პარტიაში წონასწორობის აღდგენა და შემდეგ — ბრეიკი, რომელსაც ქართველი სპორტსმენი უკვე ვეღარ გაუმკლავდა.
საბოლოოდ დაფიქსირდა ანგარიში 3:6, 5:7. ქართველმა ჩოგანმა ფლორიდაში გამოსვლა 1/8 ფინალში დაასრულა.
დელრეი-ბიჩში გამოსვლამ ბასილაშვილს 20 სარეიტინგო ქულა და 10 ათას აშშ დოლარზე მეტი მოუტანა.
