თბილისი, 18 თებერვალი — Sputnik. აშშ-ის ექსპრეზიდენტი ბარაკ ობამა ამერიკელი ისტორიკოსების მიერ შედგენილ რეიტინგში მე-12 ადგილზე გავიდა, იუწყება საინფორმაციო სააგენტო РИА Новости სააგენტო C-SPAN-ზე დაყრდნობით.
რეიტინგის შედგენაში ამერიკის წამყვანი უნივერსიტეტების 91 ისტორიკოსი და სხვა სპეციალისტები მონაწილეობდნენ. ქვეყნის პრეზიდენტებს ისინი ათი მაჩვენებლის მიხედვით აფასებდნენ 1 ქულიდან (არაეფექტური) 10 ქულამდე (ძალიან ეფექტური).
რეიტინგის შემდგენლების აზრით, ობამა ყველაზე უკეთ ეკონომიკურ რეგულაციებს ართმევდა თავს (მე-8 ადგილი), ხოლო კონგრესთან ურთიერთობებსა (39-ე ადგილი) და საერთაშორისო არენაზე (24-ე ადგილი) ყველაზე დიდ სისუსტეს იჩენდა.
აშშ-ის პრეზიდენტთა რეიტინგის პირველ სამეულში შევიდნენ: აბრაამ ლინკოლნი, ჯორჯ ვაშინგტონი და ფრანკლინ რუზველტი.
ყველაზე უარესი შეფასება დაიმსახურეს: ჯეიმს ბიუკენენმა, ენდრიუ ჯონსონმა და ფრანკლინ პირსმა.
ჯორჯ ბუშ-უმცროსს რეიტინგში 33-ე ადგილზე აღმოჩნდა. ისტორიკოსების შეფასებით, ყველაზე უკეთ ის საერთაშორისო ურთიერთობებში წარმოჩინდა.
ბილ კლინტონი მე-15 ადგილზე განთავსდა. საუკეთესო მაჩვენებელი მას ეკონომიკურ რეგულირებაში ჰქონდა, ხოლო უარესი — მორალურ ავტორიტეტში.
რეიტინგი შემდეგი მაჩვენებლების მიხედვით შედგა: საზოგადოების დარწმუნების უნარი, კრიზისის მართვის უნარი, ეკონომიკური რეგულირება, მორალური ავტორიტეტი, საერთაშორისო ურთიერთობები, ადმინისტრაციული უნარები, ურთიერთობა კონგრესთან, დღის წესრიგის ხედვა და ფორმირება, საყოველთაო სამართლიანობის უზრუნველყოფა და პრეზიდენტის მოღვაწეობის საერთო მაჩვენებლები.
