თბილისი, 11 თებერვალი — Sputnik. ქობულეთში, რუსთაველის ქუჩაზე, ყოფილი "საყოფაცხოვრებო სახლის" მიმდებარე ტერიტორიაზე აფეთქება მოხდა, იუწყება „აჭარის ტელევიზია“.
როგორც ადგლობრივები აცხადებენ, ძლიერი აფეთქების ხმა ბაზრის მიმდებარე ტერიტორიაზე დაახლოებით 22:00 საათზე გაისმა.
შემთხვევის შედეგად არავინ დაშავებულა, თუმცა დაიბზარა საცხოვრებელი სახლის კედლები.
შემთხვევის ადგილზე მობილიზებული იყო სახანძრო, სამაშველო და სასწრაფო დახმარების სამსახურები.
ადგილზე მუშაობენ ექსპერტ-კრიმინალისტები. აფეთქების მიზეზი ჯერჯერობით უცნობია.
მომხდარზე გამოძიება სისხლის სამართლის კოდექსის 187-ე მუხლის მეორე ნაწილით დაიწყო, რაც ნივთის განადგურება-დაზიანებას გულისხმობს, ჩადენილს ცეცხლის წაკიდებით, აფეთქებით ან საყოველთაოდ საშიში საშუალებით და ისჯება 3-დან 5-წლამდე თავისუფლების აღკვეთით.