თბილისი, 10 თებერვალი – Sputnik. მამაკაცს, რომელმაც საქართველოში „სარფის" სასაზღვრო-გამშვები პუნქტის გავლით თურქეთიდან უკანონოდ შემოიტანა იარაღის არსენალი, პატიმრობა ემუქრება, ნათქვამია საქართველოს ფინანსთა სამინისტროს საგამოძიებო სამსახურის მიერ გავრცელებულ ინფორმაციაში.
საქმის მასალების თანახმად, მამაკაცმა ხუთშაბათს საქართველო-თურქეთის საზღვარი IVECO-ს მარკის ავტომობილით გადმოკვეთა, რომელშიც იარაღი ჰქონდა შენახული, რის შეასხებაც ინფორმაცია საბაჟოს თანამშრომლებს არ მიაწოდა.
საქართველოში კონტრაბანდული გზით შემოტანილი ცეცხლსასროლი, სანადირო და პნევმატური იარაღი სამართალდამცველებმა ნივთმტკიცების სახით ამოიღეს.
აღნიშნულ ფაქტზე სისხლის სამართლის საქმე სსკ-ის 214-ე მუხლით აღიძრა, რაც ხუთიდან რვა წლამდე ვადით თავისუფლების აღკვეთას ითვალისწინებს.
