თბილისი, 6 თებერვალი — Sputnik. საქართველოს მოქალაქე ირინა ბარბაქაძე საქართველოს პარლამენტს ქალებისათვის სავალდებულო სამხედრო სამსახურის შემოღებას სთავაზობს.
მან უკვე შეიტანა შესაბამისი კანონპროექტი საკანონმდებლო ორგანოში, რომელმაც მიმდინარე წლის 30 იანვარს დაარეგისტრირა მისი ინიციატივა.
დოკუმენტის ავტორი ირინა ბარბაქაძე მის მიერ შემუშავებულ კანონპროექტში „გენდერული თანასწორობის შესახებ“ კანონის პრინციპებს ეყრდნობა და თვლის რომ უნდა იქნეს შემოღებული ისეთი ცნება, როგორიცაა „ჯარისქალი“ და რომ სამხედრო სამსახური სავალდებულო უნდა გახდეს ქალებისათვისაც.
მოქმედი კანონმდებლობით, სავალდებულო სამხედრო სამსახურში გაიწვევიან მამაკაცები 18-დან 27 წლამდე. ჯარში სამსახურის უფლება ქალებსაც აქვთ ნებაყოფილობით.
