თბილისი, 5 თებერვალი — Sputnik. საქართველოს ჩოგბურთის ნაკრებმა თბილისში ფინეთის გუნდს მოუგო ანგარიშით 3:2 მატჩში დევისის თასზე მეორე ევრო-აფრიკული ზონის პირველი რაუნდის ფარგლებში.
დასკვნით დღეს, ნიკოლოზ ბასილაშვილმა სამ პარტიაში 6:2, 6:4, 6:4 მოუგო ემილ რუსუვუორის, ხოლო გიორგი ცივაძემ დაძაბულ ხუთსეტიან მატჩში მოუგო პატრიკ-ნიკლას სალმინენს — 6:4, 7:5, 5:7, 0:6, 7:6.
საქართველოს ნაკრები მეორე რაუნდში გადავიდა, სადაც პლეი-ოფში შეხვდება ლიტვის გუნდს, რომელმაც თავის მხრივ მადაგასკარის გუნდს 3:2 მოუგო.
საქართველოსა და ლიტვის ჩოგბურთის ნაკრებებს შორის მატჩი კვლავ თბილისში გაიმართება 6-დან 9 აპრილამდე.
