თბილისი, 4 თებერვალი — Sputnik. 2016 წელს საქართველოს რეალურმა ეკონომიკურმა ზრდამ 2015 წელთან შედარებით, 2,2% შეადგინა, ნათქვამია სტატისტიკის ეროვნული სამსახურის „საქსტატის“ მასალებში. მიმდინარე წელს ეკონომიკური ზრდა 4%-ზეა დაგეგმილი.
ევროპის რეკონსტრუქციისა და განვითარების ბანკის პროგნოზით, 2017 წელს საქართველოში ეკონომიკური ზრდა 3,9%-ს მიაღწევს, რასაც ხელს შეუწყობს ევროკავშირთან ღრმა და ყოვლისმომცველი ვაჭრობის შესახებ (DCFTA) ხელშეკრულების ამოქმედება.
მაშინ, როცა გარემო ფაქტორები კვლავ რთულია, მათ შორის სულ უფრო მცირდება ფულადი გადარიცხვები და ექსპორტი, რუსეთში მიმდინარე რეცესიისა და რეგიონალურ სავაჭრო პარტნიორ ქვეყნებში სიტუაციის გამწვავების ფონზე, საქართველო ელოდება შემოსავლების ზრდას კარგი ტურისტული სეზონისა და ინვესტორების მხრიდან ნდობის ამაღლების იმედით, — ნათქვამია ევროპის რეკონსტრუქციისა და განვითარების ბანკის ნოემბრის კვლევაში „რეგიონალური ეკონომიკური პერსპექტივები“, რომელიც ბანკის ვებგვერდზეა გამოქვეყნებული.
მსოფლიო ბანკის პროგნოზით, საქართველოში 2017-2018 წლებში აღმოსავლეთ ევროპისა და ცენტრალური აზიის 21 ქვეყანას შორის ეკონომიკური ზრდის ერთ-ერთი ყველაზე მაღალი მაჩვენებელი იქნება.
საერთაშორისო სავალუტო ფონდის მონაცემებით, 2017 წელს ეკონომიკური ზრდა საქართველოში 4,5% იქნება, ხოლო 2018 წელს 5%-მდე გაიზრდება.
