თბილისი, 3 თებერვალი — Sputnik. მძიმე ტრავმის შემდეგ საქართველოს ნაკრების ნახევარმცველის გიორგი ჭანტურიას სარეაბილიტაციო პროცესი, რომელიც ეკატერინბურგის „ურალის“ შემადგენლობაში გამოდის, კარგად მიმდინარეობს, ნათქვამია გუნდის ვებ-გვერდზე გავრცელებულ ინფორმაციაში.
ქართველი ფეხბურთელი რეაბილიტაციის კურსს სახლში გადის. ექიმისა და ფიზიოთერაპევტის სიტყვებით, რომელიც ჭანტურიას ჯანმრთელობას აკვირდება, ოპერაციიდან რვა კვირის შემდეგ ფეხბურთელის მდგომარეობა სტაბილურია.
ჭანტურია ყოველ დღეს სატრენაჟორო დარბაზში 6-7 საათს ატარებს, რაც გამოწვეულია იმით, რომ ფეხბურთელს მოედანზე დადგენილ ვადაზე ადრე სურს დაბრუნება.
როგორც თავად ჭანტურია აცხადებს, ის მუხლის არეში ტკივილს აღარ გრძნობს. ამასთან, ფეხბურთელმა აღნიშნა, რომ მოედანზე მხოლოდ მას შემდეგ დაბრუნდება, როდესაც 100%-ით გამოჯანმრთელდება, რადგანაც ის მხარდამჭერების წინაშე პასუხისმგებლობას გრძნობს.
ჭანტურიამ რუსეთის პრემიერ-ლიგის მატჩში ("ურალი"-"ლოკომოტივი") მიიღო ტრავმა. მოგვიანებით ფეხბურთელს ოპერაცია ჩაუტარდა, “ურალის“ სამედიცინო შტაბმა კი განმარტა, რომ აღდგენითი პროცესი შეიძლება ნახევარი წელი გაგრძელდეს.
ჭანტურია „ურალის“ შემადგენლობაში გერმანული „დუისბურგიდან“ გასული წლის ზაფხულში გადავიდა.
