თბილისი, 29 იანვარი — Sputnik. ქუთაისის საერთაშორისო აეროპორტში ძლიერი თოვის გამო ქუთაისი–მილანის რეისი გადაიდო. რეისს უნგრული ავიაკომპანია WizzAir–ი ასრულებს, იუწყება ტელეკომპანია „რუსთავი2“.
გაფრენა დილის 6:00 საათზე უნდა განხორციელებულიყო, თუმცა პილოტმა უამინდობის გამო რეისი გააუქმა. მოგვიანებით ეკიპაჟმა განაცხადა, რომ მათი სამუშაო დღე დასრულდა და ფრენა აღარ შედგება.
რეისის მგზავრებს შემდეგ ფრენამდე, რომელიც ხვალ დღის სამ საათზეა დაგეგმილი, სასტუმროში განთავსება შესთავაზეს.
მგზავრთა ნაწილი საკითხის ამგვარად გადაწყვეტით უკმაყოფილოა და აცხადებს, რომ მათ წასვლას აზრი აღარ აქვს, რადგან მილანში სულ 2–3 დღით მიდიოდნენ.
