კაშიას მიერ გატანილმა გოლმა „ვიტესი“ ჰოლანდიის თასის ნახევარფინალში გაიყვანა

© FB / VitesseArnhemგურამ კაშია
გურამ კაშია - Sputnik საქართველო
გამოწერა
ჰოლანდიის თასის მეოთხედფინალში „ფეიენოორდის“კარში „ვიტესის“ მიერ გატანილი ორი გოლიდან ერთი საქართველოს ნაკრების მცველმა გაიტანა.

თბილისი, 27 იანვარი — Sputnik. „ვიტესის“ ცენტრალურმა მცველმა და კაპიტანმა გურამ კაშიამ „ფეიენოორდის“ კარში ორიდან ერთი გოლი გაიტანა და საკუთარი გუნდი ჰოლანდიის თასის ნახევარფინალში გაიყვანა.

საქართველოს ნაკრების მცველმა გოლი 55-ე წუთზე გაიტანა.

ეს გოლი კაშიასთვის ამ სეზონზე „ვიტესის“ შემადგენლობაში გატანილი პირველი გოლი გახდა. 

ექვსი წუთის შემდეგ „ფეიენორდის“კარში მეორე გოლი ტიგადუინიმ გაიტანა და შეხვედრა საბოლოო ანგარიშით 2:0 დასრულდა.  

„თამაში მძიმე და დაძაბული იყო. მეტოქის მხრიდან უდიდეს ზეწოლას ვგრძნობდით, მაგრამ გავუძელით. ვფიქრობ, ჩვენმა ფანებმა ეს გამარჯვება დაიმსახურეს“, — განაცხადა მატჩის შემდეგ კაშიამ „ვიტესის“ ოფიციალური ვებ-გვერდისთვის მიცემულ ინტერვიუში. 

ფინალში გასასვლელად „ვიტესი“ როტერდამის „სპარტას“ შეეჯიბრება. თამაში 1 მარტს ჩატარდება. 

უკანასკნელად „ვიტესმა“ ეროვნული თასის ნახევარფინალში 2001 წელს ითამაშა. მაშინ კლუბმა „ტვენტესთან“ წააგო მინიმალური ანგარიშით 0:1.

„ვიტესი“ მთელი თავისი ისტორიის განმავლობაში ტურნირის ფინალში სამჯერ გავიდა (1912, 1927 და 1990 წლებში), თუმცა, მოგება ვერც ერთხელ ვერ შეძლო.


ყველა ახალი ამბავი
0