თბილისი, 26 იანვარი — Sputnik. საქართველოში იწყებენ კანონთან კონფლიქტში მყოფი პირების რესოციალიზაციის ექვსი პროექტის განხორციელებას, ნათქვამია საქართველოში ევროკავშირის მისიის ვებ-გვერდზე გამოქვეყნებულ ინფორმაციაში.
პროექტებს სახელწოდებით „საზოგადოებაში დაბრუნება“ ევროკავშირის ფინასური მხარდაჭერით ახორციელებენ რამდენიმე არასამთავრობო ორგანიზაცია და საქართველოს სასჯელაღსრულებისა და პრობაციის სამინისტრო. ექვსი პროექტის საერთო ბიუჯეტი 11 მილიონი ლარია.
ახალი პროექტები ძირითადად გააუმჯობესებს პროფესიული განათლებისა და დასაქმების შესაძლებლობებს სამიზნე ჯგუფებისთვის (4 პროექტი), გაუწევს ფსიქო-სოციალურ და სამედიცინო დახმარებას (1 პროექტი) და დანაშაულის პრევენციას მოახდენს ბავშვებისა და არასრულწლოვანთათვის (1 პროექტი). პროექტი ყველა მსჯავრდებულს შეეხება, მათ შორის პირობითი სასჯელის მქონეთ.
საქართველოსა და ევროკავშირის ერთობლივი პროექტები პროგრამის „ევროკავშირი სამართლისათვის“ (EU4Justice) ფარგლებში ხორცილდება. 2015 წელს ამ პროგრამის ფარგლებში ევროკავშირმა საქართველოს 50 მილიონი ევრო გამოუყო.
