თბილისი, 25 იანვარი — Sputnik. ქალაქ ოსაკას საოლქო პროკურატურა ხუთშაბათს აუქციონზე გაიტანს 64 კგ ოქროს ზოდებს, იუწყება საინფორმაციო სააგენტო РИА Новости გაზეთ „სანკეიზე“ დაყრდნობით.
ოქროს საბაზრო ფასი, რომელიც სახელმწიფოს სასარგებლოდ ჩამოართვეს კონტრაბანდისტებს, სპეციალისტების შეფასებით, 302 მლნ იენია (დაახლოებით 2,6 მლნ აშშ დოლარი). ეს ოქროს ყველაზე მსხვილი პარტიაა, რომელიც კი ოსაკას პროკურატურას ოდესმე აუქციონზე გაუტანია.
2011 წელს ოსაკას პროკურატურამ ორი პარტია ჩამორთმეული ოქრო გაყიდა: 86 მლნ იენის (767 ათასი დოლარი) ღირებულების 19.9 კგ ოქრო და 46 მლნ იენის ღირებულების (410 ათასი დოლარი) 12.9 კგ ოქრო.
მაშინ ოქროს ფასზე დანაშაულებრივი წარმომავლობა საერთოდ არ ასახულა — მის სანაცვლოდ საბაზრო ღირებულების 98% მიიღეს. თანხა მთლიანად სახელმწიფოს ბიუჯეტში ჩაირიცხა.
