თბილისი, 23 იანვარი — Sputnik. საქართველოს პარლამენტის ბიურომ ცნობად მიიღო საკანონმდებლო ორგანოში კიდევ ორი ახალი ფრაქციის — „ნაციონალური მოძრაობისა“ და „ქართული ოცნება — მწვანეების“ სექმნის საკითხი.
„ნაციონალური მოძრაობის“ ფრაქციის შექმნა „ერთიან ნაციონალურ მოძრაობაში“ მომხდარი განხეთქილების შემდეგ გახდა აუცილებელი. იანვარის დასაწყისში პარტიიდან ლიდერთა ნაწილი წავიდა, მათ შორის ენმ-ს 20 დეპუტატი პარლამენტში.
„ქართულ ოცნება — მწვანეების“ ფრაქციის შექმნის შესახებ, ბიუროს დაწყებამდე ცოტა ხნით ადრე გახდა ცნობილი.
ფრაქცია „ნაციონალურ მოძრაობაში“ ექვსი დეპუტატია: რომან გოცირიძე, სალომე სამადაშვილი, თინათინ ბოკუჩავა, ნიკა მელია, კობა ნაყოფია და აზერ სულეიმანოვი.
ახალ ფრაქციას რომან გოცირიძე ხელმძღვანელობს.
„ქართული ოცნება — მწვანეების“ ფრაქციას „საქართველოს მწვანეთა პარტიის“ ლიდერი გიორგი გაჩეჩილაძე უხელმძღვანელებს და მასში ხუთი მაჟორიტარი დეპუტატი შევა მმართველი პარტიიდან: ზაზა გაბუნია, ირაკლი აბუსერიძე, დიმიტრი მხეიძე, გიორგი ბრეგაძე, სამველ მანუკიანი.
ამგვარაად საქართველოს პარლამენტის სხდომაზე ცნობად მიღების შემდეგ, პარლამენტში 10 ფრაქცია იქნება.
