თბილისში ტრამპის წინააღმდეგ ქალთა მარში ჩატარდა

© twitter / Dodieქალების საპროტესტო აქცია თბილისში ტრამპის წინააღმდეგ
ქალების საპროტესტო აქცია თბილისში ტრამპის წინააღმდეგ - Sputnik საქართველო
გამოწერა
НовостиTelegram
აქციის მონაწილეები ფილარმონიასთან შეიკრიბნენ და რუსთაველის გამზირზე მსვლელობა მოაწყეს, მოგვიანებით კი პარლამენტის შენობასთან გადაინაცვლეს.

თბილისი, 21 იანვარი — Sputnik. აშშ–ს ახლად არჩეული პრეზიდენტის დონალდ ტრამპის წინააღმდეგ აქცია ქალებმა დღეს საქართველოს დედაქალაქშიც  გამართეს.

„დღეს თბილისიდან ვუერთდებით მოძრაობას ქალთა უფლებების მხარდასაჭერად თანასწორი და ინკლუზიური გარემოსთვის. ამერიკელები, ქართველები, ევროპელები,  აზიელები — ჩვენ ყველა ვერთიანდებით გლობალურ მოძრაობაში ადამიანისა და ქალთა უფლებების დასაცავად და გასაძლიერებლად“, — განაცხადა აქციის ერთ-ერთმა მონაწილემ.

აქციის მონაწილეები ფილარმონიასთან შეიკრიბნენ და რუსთაველის გამზირზე მსვლელობა მოაწყეს, მოგვიანებით კი ქალთა უფლებების დაცვის მოთხოვნით, პარლამენტის შენობასთან გადაინაცვლეს. 

პოლიცია ვაშინგტონში ინაუგურაციის დღეს - Sputnik საქართველო
არეულობა ტრამპის ინაუგურაციის დღეს: დაკავებულია 217 ადამიანი

„ეს მარში არის ვაშინგტონის ქალთა მარშის სოლიდარობის გამომხატველი აქცია, რომელიც თბილისის გარდა  კიდევ მსოფლიოს 370 ქალაქში ტარდება. საქართველო, მნიშვნელოვანია, რომ არის ამ ყველაფრის მონაწილე, იმიტომ რომ ჩვენ არ ვართ ცალკე მდგომი ქვეყანა,  ვართ მთელი მსოფლიოს ნაწილი“, — მიაჩნია აქციის კიდევ ერთ მონაწილეს.

მისი თქმით, მთელ მსოფლიოში ულტრამემარჯვენე რიტორიკის გამარჯვების ფონზე,  თანდათან უფრო ძნელდება საქართველოში ქალთა და უმცირესობათა უფლებების დაცვა.

ყველა ახალი ამბავი
0