თბილისი, 20 იანვარი — Sputnik. ჰოლივუდის ვარსკვლავებმა და ნიუ-იორკის მერმა ბილ დე ბლაზიომ აშშ-ის პრეზიდენტის ინაუგურაციამდე ერთი დღით ადრე მის წინააღმდეგ გამართულ მიტინგში მიიღეს მონაწილეობა, იუწყება საინფორმაციო სააგენტო „რია ნოვოსტი“.
20k strong on Central Park West #westandunited pic.twitter.com/cwO7inB86g
— M'Chelle (@MChelleNYC) 20 января 2017 г.
საპროტესტო აქციას შეუერთდნენ მსახიობები რობერტ დე ნირო, მარკი რუფალო და ალეკ ბოლდუინი, რეჟისორი მაიკლ მური და მომღერალი შერი.
აქცია, რომელმაც რამდენიმე ათასი მონაწილე შეკრიბა, ნიუ-იორკში, ტრამპის შტაბ-ბინის — ცათამბჯენ Trump Tower-ის უშუალო სიახლოვეს მიმდინარეობდა.
მიტინგზე ცნობილი სახეებიდან პირველი რობერტ დე ნირო გამოვიდა, და განაცხადა, რომ ტრამპს „ცუდ მაგალითად მიიჩნევს ამ ქვეყნისა და ამ ქალაქისთვის“.
„ეს დასასრული არ არის, ეს მხოლოდ დასაწყისია“, — განაცხადა დე ბლაზიომ, რომელიც ტრამპის რეგულარული ოპონენტია, განსაკუთრებით, მიგრაციის საკითხებში.
ტრამპი აშშ-ის პრეზიდენტის სავარძელს ოფიციალურად 20 იანვრის ინაგურაციის შემდეგ დაიკავებს.
