თბილისი, 17 იანვარი — Sputnik. საქართველოს ბევრ სკოლაში მოსწავლეები საპირფარეშოებში ცუდი სანიტარული პირობებისა და ჰიგიენის წესების დარღვევების გამო არ შედიან, განაცხადა საქართველოს განათლებისა და მეცნიერების მინისტრმა ალექსანდრე ჯეჯელავამ.
ადრე მინისტრმა განაცხადა, რომ სკოლის დირექტორები, რომლებიც ამ პრობლემას ვერ გადაჭრიან, თანამდებობიდან გათავისუფლდებიან.
„საპირფარეშო არ არის კომფორტის საკითხი, ეს არის ჯანმრთელობის საკითხი. ამიტომ ჩვენ უბრალოდ უფლება არ გვაქვს, რომ ამ მიმართულებით ძალიან ქმედითი ნაბიჯები არ გადავდგათ“, — განაცხადა მინისტრმა.
მინისტრმა ასევე აღნიშნა, რომ სასკოლო ინფრასტრუქტურა უწყების წინაშე მდგომი ერთ–ერთი ყველაზე დიდი გამოწვევაა. იმისათვის, რომ ერთდროულად ქვეყნის ყველა სკოლაში ინფრასტრუქტურა მოწესრიგდეს, საჭიროა დაახლოებით 4,5 მილიარდი ლარი, მაგრამ, მინისტრის თქმით, მოქმედება ახლავე უნდა დაიწყოს და მდგომარეობის გასაუმჯობესებლად ყველაფერი უნდა გაკეთდეს.
„მე ვითავე ჩემს კოლეგებთან ერთად გამოვუცხადო ომი, ბრძოლა ამ არაჰიგიენურ მდგომარეობას და გარწმუნებთ, რომ შესაძლებელია არსებული ინფრასტრუქტურით გაცილებით მაღალი ხარისხი მიღება", — აღნიშნა მინისტრმა.
ჯეჯელავა დარწმუნებულია, რომ როგორც კი საპირფარეშოებში ჰიგიენის პრობლემა „სიკვდილ–სიცოცხლის“ საკითხად იქცევა, ბევრი სკოლის თვითმმართველობას გამოუჩნდება ფული, რომელიც ამ პრობლემის გადასაჭრელად საკმარისი იქნება.
