თბილისი, 15 იანვარი – Sputnik. რუსეთში 2016 წელს საომარი მოქმედებების ზონებიდან 900–ზე მეტი ტერორისტი ცდილობდა შემოსვლას, განაცხადა რუსეთის უშიშროების საბჭოს მდივანმა ნიკოლაი პატრუშევმა.
„მთლიანობაში, ჩატარებული ოპერატიული ღონისძიებები გვაძლევდა საშუალებას, ეფექტურად და დროულად აღგვეკვეთა ჩვენს ტერიტორიაზე ტერორისტების შემოსვლის მცდელობა საომარი მოქმედებების ზონებიდან. გასულ წელს ამგვარად ტერორისტულ საქმიანობასთან დაკავშირებული 900–ზე მეტი პირი გამოვლინდა“, – განაცხადა პატრუშევმა „როსიისკაია გაზეტასთან“ ინტერვიუში, იუწყება საინფორმაციო სააგენტო РИА Новости.
მისი თქმით, ამასთან ერთად, კვლავ არსებობს საერთაშორისო ტერორისტული ორგანიზაციების კონსპირირებული რგოლების პრობლემა, რომლებიც რუსეთის ტერიტორიაზე ტრადიციული მუსლიმანური თემების სახით მოქმედებენ.
„ცალკეული ქვეყნების მხარდაჭერით – მათ ახლა არ დავასახელებ – ისინი ექსტრემიზმის პროპაგანდას ეწეოდნენ, იზიდავდნენ ახალ წევრებს, ტერორისტების მოსამზადებელ ბანაკში დაქირავებულ მკვლელებს აგზავნიდნენ“, – განაცხადა პატრუშევმა.
