თბილისი, 13 იანვარი — Sputnik. 33 წლის მამაკაცი ბერი გაბრიელის ქუჩაზე საკუთარ ბინაში მხუთავი აირით გაიგუდა, იუწყება საინფორმაციო სააგენტო „Новости-Грузия“ საქართველოს შინაგან საქმეთა სამინისტროს ინფორმაციაზე დაყრდნობით.
ბინაში კიდევ ორი ადამიანი იმყოფებოდა. ისინი მოიწამლნენ და საავადმყოფოში გადაიყვანეს, მაგრამ იქიდან მალე გამოწერეს.
სისხლის სამართლის საქმე აღძრულია სსკ-ის მუხლით „სამთო, სამშენებლო ან სხვა სამუშაოს წარმოებისას უსაფრთხოების წესების დარღვევა“, რაც ისჯება ჯარიმით, ან გამოსასწორებელი სამუშაოებით 2 წლამდე ვადით, ან 2 წლამდე პატიმრობით.
