თბილისი, 10 იანვარი — Sputnik. ურთიერთშელაპარაკებისას ძმამ ძმა სანადირო თოფით მოკლა, იუწყება ტელეკომპანია „რუსთავი 2“.
შემთხვევა დღეს ვანის რაიონის სოფელ ყუმურში მოხდა.
ბრალდებულმა ურთიერთშელაპარაკების ნიადაგზე სასიკვდილო ჭრილობები მიაყენა თავის ძმას, რომელიც შემთხვევის ადგილზე გარდაიცვალა.
ბრალდებული სამართალდამცველებმა ცხელ კვალზე დააკავეს.
მომხდარ ფაქტთან დაკავშირებით სისხლის სამართლის საქმე აღძრულია „განზრახ მკვლელობის“ მუხლით, რაც 7-დან 15 წლამდე ვადით თავისუფლების აღკვეთას ითვალისწინებს.
