თბილისი, 10 იანვარი — Sputnik. აფეთქება ქაბულში იმ ბაზისგან მოშორებით მოხდა, სადაც „მტკიცე მხარდაჭერის“ მისიაში მონაწილე ქართველი სამხედროები არიან დისლოცირებული. იუწყება საინფორმაციო სააგენტო „ნოვოსტი გრუზია“ საქართველოს თავდაცვის სამინისტროზე დაყრდნობით.
ავღანეთის დედაქალაქში ორი აფეთქება მოხდა. ერთ-ერთი აფეთქება დარულამანის რაიონში თვითმკვლელმა ტერორისტმა მოაწყო, ხოლო ქვეყნის პარლამენტის წინ დანაღმული ავტომობილი აფეთქდა.
ბოლო მონაცემებით, დაღუპულთა რიცხვმა 27 შეადგინა, ხოლო სხვადასხვა სახის დაზიანება 70-მა ადამიანმა მიიღო.
„ჩვენთან ბაზაზე არაფერი ხდება, უფრო სწორად, ეს ყველაფერი სადაც ხდება, იქ ჩვენები არ არიან. ჩვენთან სიწყნარეა. ვიცით ქაბულში მომხდარი აფეთქებების შესახებ, მაგრამ ინფორმაცია იმაზე, რომ ჩვენებთან რაიმე მოხდა, არ გვაქვს“, — განუცხადა სააგენტოს თავდაცვის უწყების საზოგადოებასთან ურთიერთობის სამსახურის თანამშრომელმა.
ავღანეთში მომხდარ აფეთქებებზე პასუხისმგებლობა მოძრაობა “თალიბანმა“ აიღო.
