შორაპანთან ცენტრალური საავტომობილო ტრასა გადაკეტილია

გამოწერა
თბილისი–სენაკი–ლესელიძის საავტომობილო ტრასის გადაკეტვის მიზეზი გზის სავალ ნაწილზე ჩამოშლილი კლდოვანი მასა გახდა.

თბილისი, 7 იანვარი — Sputnik. ამ დრომდე ჩაკეტილია თბილისი-სენაკი-ლესელიძის საავტომობილო გზის 188-ე კილომეტრი სოფელ შორაპანთან, სადაც 6 იანვარს დაახლოებით 23 საათზე კლდოვანი მასა ჩამოიშალა, ამის შესახებ საავტომობილო გზების დეპარტამენტი იტყობინება. 

გზის სავალ ნაწილზე ჩამოსულია დიდი მოცულობის მიწა-კლდოვანი მასა,  რის გამოც, ამ მონაკვეთზე აკრძალულია ყველა სახის ავტოტრანსპორტის მოძრაობა.

დიდთოვლობა - Sputnik საქართველო
სომხეთ-საქართველოს საზღვრისკენ მიმავალი გზა დაკეტილია
 ავტოტრანსპორტის მოძრაობის ნაკადი გადართულია გომი-საჩხერე-ჭიათურა-ზესტაფონის გზაზე, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა აღნიშნული მიმართულებით აკრძალულია, — ნათქვამია დეპარტამენტის შეტყობინებაში. 

ადგილზე მობილიზებულია საავტომობილო გზების დეპარტამენტის შესაბამისის სამსახურები და ტექნიკა, გზის გაწმენდითი სამუშაოები ინეტნსიურ რეჟიმში მიმდინარეობს.


ყველა ახალი ამბავი
0