თბილისი, 4 იანვარი – Sputnik. საქართველოს პრემიერ-მინისტრმა გიორგი კვირიაკშვილმა ორშაბათს, 4 იანვარს კათოლიკოს-პატრიარქს, უწმინდესსა და უნეტარეს ილია მეორეს დაბადების დღე „ფეისბუქის“ საკუთარ გვერდზე მიულოცა.
ილია მეორეს, რომელიც 1933 წლის 4 იანვარს ვლადიკავკაზში დაიბადა, 84 წელი შეუსრულდა.
„პატრიარქი ჩვენთვის ყოველთვის იყო და არის თავმდაბლობის, სულგრძელობისა და მოთმინების, მიმტევებლობისა და მოყვასისადმი სიყვარულის მაგალითი“, — ნათქვამია მილოცვაში.
მთავრობის მეთაურმა კათოლიკოს-პატრიარქს ჯანმრთელობა, დღეგრძელობა და მხნეობა უსურვა.
ილია მეორე კათოლიკოს-პატრიარქად 1977 წელს აირჩიეს, ინტრონიზაციის ცერემონია 1977 წლის 25 დეკემბერს გაიმართა.
