თბილისი, 1 იანვარი — Sputnik. ქართველი სამხედრო მოსამსახურეები, რომლებიც ავღანეთში „მტკიცე მხარდაჭერის" (Resolute Support) სამშვიდობო მისიაში მონაწილეობენ, ახალ წელს აშშ-ს Task Force Tiger-ის ქვედანაყოფის სამხედრო მოსამსახურეებთან ერთად შეხვდნენ, ნათქვამია საქართველოს თავდაცვის სამინისტროს ვებგვერდზე.
1 იანვარი 2017, 17:59
ქართველმა სამხედროებმა "ხორუმი" იცეკვეს და ამერიკელ სამხედროებთან ერთად სადღესასწაულო ტორტი გაჭრეს.
„მტკიცე მხარდაჭერა“ (Resolute Support) ნატოს არასაომარი მისიაა, რომელიც ავღანეთის სამთავრობო ძალების სწავლებასა და დახმარებას ითვალისწინებს. მისია აშშ–ისა და მისი მოკავშირეების საომარი სტადიის დასრულების შემდეგ, 2015 წლის 1 იანვრიდან ამოქმედდა. ამჟამად ნატოს მისიაში 870 ქართველი სამხედრო მონაწილეობს.
