თბილისი, 31 დეკემბერი – Sputnik. თბილისის ერთ–ერთ ცენტრალურ რაიონში მამაკაცს მაშინ ესროლეს, როდესაც ის მე–16 სართულზე საკუთარი ბინის აივანზე გამოვიდა, იუწყება ტელეკომპანია „რუსთავი2“.
როგორც მოკლულის მეზობლები აცხადებენ, ის რუსეთის მოქალაქეა. მკვლელობის მომენტში ბინაში მისი მეგობარი იმყოფებოდა.
როგორც ტელეკომპანია აცხადებს, გამოძიება შეკვეთილი მკვლელობის ვერსიას განიხილავს. შსს–ში საინფორმაციო საშუალებებისთვის კომენტარი მოკლულის პიროვნებისა და გამოძიების ვერსიების შესახებ არ გაუკეთებიიათ.
შსს–ს მონაცემებით, გამოძიება მიმდინარეობს სსკ–ის მუხლებით „განზრახ მკვლელობა“ და „ცეცხლსასროლი იარაღის უკანონო ტარება და შენახვა“, რაც 7–დან 15 წლამდე პატიმრობას ითვალისწინებს.
