ახალი წელი — მსოფლიოში ყველასთვის ერთ-ერთი საყვარელი დღესასწაულია. ძირითადი ორომტრიალი საახალწლო ფუსფუსს უკავშირდება. მენიუ სხვადასხვანაირია — ის წარმოუდგენელია საცივის, ნიგვზიანი ბადრიჯნის, შემწვარი გოჭის, სალათი „ოლივიეს“ და სხვა ტრადიციული კერძების გარეშე. და ყოველივე ამას, რა თქმა უნდა, დიასახლისები ამზადებენ.
იხილეთ „Sputnik–საქართველოს“ ფოტომასალა, რომელიც სასაცილო კარიკატურების საშუალებით ქართულ ოჯახებში ახალი წლის აღნიშვნის ტრადიციებს ეხება.
1/9
ყოველწლიურად მილიონობით ქალი ოცნებობს წინასაახალწლოდ სამზარეულოში არ იფუსფუსოს და გაზქურასთან არ იდგეს. ქართველი ქალები თავისი კულინარიული შესაძლებლობებით გამოირჩევიან. თუმცა, ისინიც ოცნებობენ ახალ წელს თუნდაც ერთხელ ოჯახური ფაცი-ფუცის გარეშე შეხვდნენ.
2/9
როგორც წესი, ნამდვილი ქართველი მამაკაცი საკუთარი რჩეულის სურვილებს პატივს სცემს. მისთვის მნიშვნელოვანია, რომ სადღესასწაულო სუფრასთან მხიარული და ლამაზი მეუღლე იხილოს... თუმცა, საცივის გარეშე ახალი წელი როგორ იქნება?
3/9
ბავშვები ყოველთვის და ყველაფერში ეხმარებიან მშობლებს, განსაკუთრებით თუ საუბარი სადღესასწაულო მენიუს შედგენაზე მიდის. რომელი დედა არ მოუმზადებს საყვარელ შვილს შემწვარ გოჭს - ქართველებისთვის ახალი წლის ერთ-ერთ მთავარ კერძს.
4/9
ხოლო ტკბილეულის მოყვარული საყვარელი ქალიშვილისთვის აუცილებლად გააკეთებს გოზინაყს - ყველასთვის საყვარელ საახალწლო ნუგბარს. გოგონა კარგად სწავლობს, მისი სურვილი კი კანონია.
5/9
ქართულ ოჯახში უბრალო წესია. თუ დედამთილი ამბობს „უნდა“, მაშინ საკითხი ოლივიე მომზადდეს თუ არა, არც კი დგება...
6/9
და აი, მხოლოდ საკუთარ ოცნებებში დასვენებული ოჯახური იდილიის მფარველი ბაზარსა და მაღაზიებში მიიჩქარის. მთავარია ამ წინასაახალწლო ფუსფუსში ყველა პროდუქტისა და ნაძვის ხის ყიდვა არ დაავიწყდეს.
7/9
31 დეკემბერი დგება. ტრადიციის მიხედვით, დიასახლისი დილიდან საღამომდე გაზქურასთან დგას... არაუშავს, რომ მან ვერ დაისვენა - სამაგიეროდ, საახალწლო სუფრასთან ამდენი გემრიელობებით ყველა კმაყოფილი დარჩება.
8/9
მალე საათი 12:00-ს ჩამოკრავს. ოჯახის ყველა წევრი უკვე სუფრასთანაა. თუმცა, საქართველოში არ არსებობს, რომ ვიღაცამ არ დააგვიანოს... პუნქტუალობას ქართველებს „ვერ დააბრალებ“.
9/9
ახალ წლამდე რამდენიმე წამით ადრე სახლის ზღურბლზე უფროსი ვაჟი ჩნდება ტკბილეულითა და საჩუქრებით ხელში. ოჯახში სარძლოს მოყვანა - დედისთვის ყველაზე კარგი საჩუქარია. ვინ იცის, მომავალ ახალ წელს, შეიძლება დედამ დაისვენოს კიდეც...
