თბილისი, 28 დეკემბერი — Sputnik. აშშ-ის სახელმწიფო დეპარტამენტმა თურქეთის პრეზიდენტის რეჯეფ თაიიფ ერდოღანის სიტყვებს, რომ საერთაშორისო კოალიცია სირიაში ტერორისტებს უჭერს მხარს, აბსურდული უწოდა, იუწყება საინფორმაციო სააგენტო „რია ნოვოსტი“.
„ეს აბსურდული განცხადებაა“, — განაცხადა უწყების ოფიციალურმა წარმომადგენელმა მარკ ტონერმა.
მანამდე ერდოღანმა განაცხადა, რომ კოალიციის მხრიდან, რომელსაც აშშ მეთაურობს, სირიაში ტერორისტული დაჯგუფებების, მათ შორის „ისლამური სახელმწიფოს“ მხარდაჭერის მტკიცებულებები აქვს.
ერდოღანს რუსეთის სენატორმა ალექსეი პუშკოვმა დაუჭირა მხარი.
„ერდოღანი მართალია: მრავალი ფაქტია, რომლებიც აშშ-ის მხრიდან ტერორისტული ორგანიზაციების მხარდაჭერას ადასტურებს. სახელმწიფო დეპარტამენტის მცდელობა, უარყოს ცხადი, აბსურდულია“, — დაწერა პუშკოვმა „ტვიტერის“ საკუთარ მიკრობლოგში.
ტონერმა უფრო ადრე განაცხადა, რომ აშშ მხარს უჭერს სირიასთან დაკავშირებით მოლაპარაკებებს ასტანაში, ისევე, როგორც ნებისმიერ სხვა ძალისხმევას, რომელიც სირიაში კონფლიქტის მოგვარებისკენაა მიმართული.
ერდოღანის განცხადებით, ასტანაში სირიის საკითხებზე მოლაპარაკებებზე შეიძლება მიიწვიონ რუსეთის, თურქეთის, ირანის, საუდის არაბეთისა და კატარის, ასევე სირიის ზომიერი ოპოზიციის წარმომადგენლები.
