თბილისი, 27 დეკემბერი – Sputnik. საქართველოს პარლამენტის აგრარულ საკითხთა კომიტეტის თავმჯდომარემ, საქართველოს სოფლის მეურნეობის ყოფილმა მინისტრმა ოთარ დანელიამ „როსსელხოზნადზორის“ განცხადებას საქართველოდან რუსეთში მსხვილფეხა რქოსანი პირუტყვისა და ხორცის პროდუქციის შეტანის აკრძალვის შესახებ „უცნაური“ უწოდა.
მანამდე „როსსელხოზნადზორმა“ ნოდულარული დერმატიტის აღმოჩენის გამო რუსეთში საქართველოდან მსხვილფეხა რქოსანი პირუტყვისა და ხორცის პროდუქციის შეტანა აკრძალა.
„ცოტათი უცნაური განცხადებაა („როსსელხოზნადზორის“), რადგანაც მსხვილფეხა რქოსანი პირუტყვის ექსპორტი არასდროს ხორციელდებოდა… მსგავსი რამ პრაქტიკაში არ გვქონია“, — განაცხადა დანელიამ.
ნოდულარული დერმატიტის გამოვლენის შემდეგ საქართველოში მსხვილფეხა რქოსან პირუტყვს ვაქცინაცია ჩაუტარდა. ამჟამად აცრილია 200 ათასი ერთეული პირუტყვი და კიდევ 160 ათასი პირუტყვის ვაქცინაციაა დაგეგმილი.
საქართველოს სურსათის ეროვნული სააგენტოში აღნიშნეს, რომ უწყება ყოველთვის ატარებს პრევენციულ ღონისძიებებს.
ასევე აღნიშნულია, რომ საქართველო რუსეთში ცოცხალი საქონლის ექსპორტირებას არ ახდენს.
