თბილისი, 25 დეკემბერი — Sputnik. საქართველოს ეროვნული ოლიმპიური კომიტეტის მოქმედი პრეზიდენტი ლერი ხაბელოვი თანამდებობაზე მეორე ვადით აირჩიეს, იუწყება სეოკ-ის ოფიციალური ვებგვერდი.
ეროვნული ოლიმპიური კომიტეტის საარჩევნო-საანგარიშო სესიის 135 დელეგატიდან ხაბელოვის კანდიდატურას 78 ადამიანმა დაუჭირა მხარი. პოსტზე მეორე კანდიდატს, ირაკლი მეძმარიაშვილს 57 დელეგატმა მისცა ხმა.
ამგვარად, უახლოესი ოთხი წლის განმავლობაში საქართველოს ეროვნულ ოლიმპიურ კომიტეტს კვლავ ლერი ხაბელოვი უხელმძღვანელებს.
